Tilkynning frá íþróttastjóra

Knattspyrnudeild Hauka stendur í því þessa dagana að ráða þjálfara á kvennaflokka félagsins. Við erum að leita að einstaklingi í 100% starf sem yfirþjálfara og að auki mun þessi sami aðili þjálfa 3 flokka hjá félaginu. Af þessum sökum hefur þjálfunin ekki verið í jafnvægi sem við hörmum en við viljum biðja forelda/forráðamenn að gefa okkur tíma út þessa viku til að vinna í málunum. Ragnheiður Berg mun sjá um þjálfun 5.-6. flokks kvenna í þessarri viku eða þar til málin leysast á farsælan hátt. Með þessu viljum við bæta faglega þátt starfsins til muna og búa markvisst vel að okkar frábæru iðkendum.
Æfingatímar flokkanna munu líklega breytast eitthvað og því verð ég að biðja forráðamenn um að fylgjast vel með hér á bloggsíðunni og á heimasíðu félagsins.

Áfram Haukar
Guðbjörg Norðfjörð
Íþróttastjóri Hauka