Handbolti + Fótbolti = Snilld

"Deildakeppnin" gekk frábærlega og ekki annað að sjá en að allir, bæði úr fótboltanum og handboltanum, hafi skemmt sér vel.

Ég verð að viðurkenna að ég er ekki alveg með öll úrslitin á hreinu og þið megið endilega leiðrétta mig í "athugasemdir" ef ég fer með rangt mál. En leikar fóru þannig að Fótboltinn fékk 4 stig í boðhlaupskeppninni og handboltinn 2 stig. 1 stig var gefið fyrir hvert lið sem var í 1.-3. sæti.

Í körfuboltanum unnu handboltastelpurnar tvo leiki en fótboltinn einn. Sem sagt, 2 stig til handboltans og 1 stig til fótboltans. Þið verðið að segja mér hvernig fór í handboltakeppninni. Ég held að fótboltinn hafi alla vega unnið 2 af þessum 6 leikjum sem voru spilaðir. Veit ekki um restina. Í fótboltakeppninni unnu fótboltinn 3 leiki og 1 leikur fór jafntefli þar stelpa að nafni Una ,handboltastelpa með meiru, fór hamförum og tók fótboltastelpurnar í nefið.

Staðan er því 8-4 fyrir fótboltann, en þá á eftir að reikna inn í úrslitin úr handboltakeppninni. Hvernig fóru handboltaleikirnir??

Ég kem með myndir úr keppninni hingað inn á síðuna - um leið og ég er búinn að læra hvernig á að gera það.

Sjáumst næst hress á fimmtudaginn kl.17