Skellur gegn HK!

Úrslitin úr leikjunum gegn HK voru ekki góð: A-lið 4-0, B-lið 5-0 og C-lið 6-0. Að vísu má taka það með í reikninginn að HK voru bara með 19 stelpur (sem þýðir að einhverjar spiluðu með 2 liðum) á meðan við vorum með 34 stelpur sem allar fengu að spila.

Þessir leikir voru engu að síður mjög gagnlegir fyrir mig, þjálfarann, þar sem margir okkar veikleikar og styrkleikar fannst mér koma mjög vel fram í þessum leikjum. Að mínu mati gefa úrslitin skakka mynd af getumuninum á liðunum.
Styrkleiki okkar, sem kom fram í þessum leikjum, var "spilhugsunin" hjá leikmönnum enda erum við búin að æfa mikið uppspilsæfingar. Einnig fannst mér ekki draga mikið af leikmönnum í A- og B-liði þegar leið á leikina, sem gefur til kynna að úthaldið sé ekki vandamál hjá þeim sem hafa æft vel.
Hins vegar var varnarvinnan, bæði einn á móti einum varnarleikur og varnarsamvinnan hjá öllu liðinu, frekar slök. Auð auki var óöryggi hjá okkur fyrir framan mark andstæðingsins og leikmönnum gekk illa að koma sér í góð færi og ná skotum á markið.
Þessi atriði verður unnið með núna í framhaldinu og yfir engu að örvænta.